உரிமை மீறலுக்கு எல்லைகோடு
நமக்கு நாமே
வரைந்த ஏடு !
ஆசைக்கு அபாய எச்சரிக்கை !
பெண்களின் பெருங்கவச
உடை!
கயவர்களின் கைவிலங்கு !
மொத்தத்தில்
விதிகளின் தொகுப்பில் மனித
உரிமை மாலை !
ஏழைக்கு ஒன்று !
ஏற்றம் உடையார்க்கு ஒன்று !
- என்ற பாகுபாடு இல்லை
தோற்றத்தை பார்த்ததும் - ஏடு
மாறும்
வேலை இல்லவே இல்லை !
என்றெல்லாம் மாட்டிகொண்டது
மலையேறிவிட்டது இன்று !
நீதி தேவதையின் கண்ணை மட்டுமல்ல!
வாயையும் சேர்த்தே
கட்டிவிட்டினர்போலும்!
சட்டம் ஒரு இருட்டரயாம் !
இருட்டறைக்குள்
ஆயிரம் ஓட்டையாம்!
கொலை செய்தவன் எல்லாம் - பேட்டி
கொடுத்து
விடை பெறுகிறான் - தொலை காட்சியில் !
சோத்துக்கு திருடியவன் எல்லாம்
அடைபடுகிறான் சிறையில் !
அண்ணல் எழுதி சட்டத்திற்கு
வயதாகி விட்டது போலும் !
அவரின் விழுதுகள் - அவற்றை
மாற்றி
அமைத்தால் போதும் !
நீதி தேவதையின் தராசு தட்டுகள்
நேராக்க பட வேண்டும்
! - தொற்று
நோய் போல தொடரும் ஏட்டு பழக்கமெல்லாம்
நீதி முழக்கமிட ஓடி ஒழிய வேண்டும் !
0 Comments:
Post a Comment