பண வரவுகள்(உறவுகள்)

       விதியே!

       மானிட வாழ்க்கையென்ன

            மடுவோ ?  குளமோ ? - பண

      மழை கொட்டும் போதெல்லாம்

          உறவுகள் ஒட்டிகொள்கின்றன!

       வற்றி அடங்கும் போதெல்லாம்

           சுத்தமாய் ஒதுங்கி போகின்றன!

       கட்டு உள்ளவரைதான்

           கண்டுகொள்ளும் இந்த உறவுகளோ?

       உறவுகள் சுட்டுவிடும் போதெல்லாம்

            எனக்குள் குட்டி கேட்கும்

       இதுதான்  என் கேள்வி !

ஓய்வா?

நண்பா !

      ஓடிகொண்டே இரு !- நீயும்

கடிகார முட்களும் ஒன்று !

       உன் ஓட்டத்தில் ஓய்வு

கொள்ள நினைத்தால்

       மண்டியிட்டு ஒத்துகொள்!

- நான் மரணமடைகிறேன் என்று ! 

ஒத்தை சொல்லலே ..!

  அலையாடும் கடல் மீது

         ஓடி விளையாடும் ஓர் ஆசை !

பாடும் குயிலோடு பறந்து 

        கவி பாடும் ஓர் ஆசை !

அடிக்கும் காற்றோடு மிதந்து 

        சுற்றி வரும் ஓர் ஆசை !

பற்றி எரியும் தீயில் வீழ்ந்து 

      குளிர் காயும் ஓர் ஆசை !

மழலை மொழிக்குரலோடு  நித்தம்

      இசை கேட்கும் ஓர் ஆசை !

அத்தனையும் சாத்தியமடி 

      நீ சொல்லும் ஒத்தை சொல்லில் !

முடிந்ததால் முடியாதது ...!

நிரம்பிய கனவுகளால் - என்னால்

      நிரப்ப முடியவில்லை என் வாழக்கையை!

விரும்பிய இதயங்களால் - என்னால்

     விரும்ப முடியவில்ல  என் இதயத்தை !

விளங்கிய வார்த்தைகளால் - என்னால்

        விளக்க முடியவில்லை என் மனதின் பாரத்தை !

 தெரிந்த உண்மைகளால் - என்னால்

           தெளிவாக்க முடியவில்லை என் உலகத்தை !

முழுதும் அறிந்த இதயங்களால் - இன்றும்

          அறிய முடியவில்லை என் மனதின் மௌனத்தை !