என்னவளே !

கனவுகளும் வலிக்குதடி - உன்னை 

கண்மணிக்குள் நிறுத்திவிட !

உணர்வுகளும் துடிக்குதடி -இனி 

உன்னோடு கலந்து விட !

எண்ணங்களை சுமந்து வந்த 

என் நெஞ்சில் -  என்றும் 

வண்ண கனவுகளை சுமக்க வைத்து

என் வாழ்வோடு வாழ்பவளே !

கண்ணோடு கண்டவைகள் என்றும்

காட்சியோடு மறைந்துவிடும் !

கனவில் உன்னோடு கண்டவைகள் 

இறுதிவரை மூச்சாக கூட வரும் !

பண்னோடு இசை பாட 

   பாவலரும் இனி இல்லை!

உன் மடியோடு நான் தூங்க

     வேறு வரம் ஏதும் தேவை இல்லை !